حبيبه قلب ماما لوجي

وحشتي ماماا ياقلبي 

كل مااشوف صورتك وانتي صغيره بتوحشيني اكتر واكتر

انا بحبك اوي ياعمري 

ربنا يباركلي فيكي يارب 

وتبقى من حفظه القران وتبقى سعيده في حياتك 

وتخلي بالك من ماما حبيبتك اللي ملهاش غيرك بعد ربنا

حبيبتى  لوجى بحبك اوى 

اصعب احساس لما اشوفك تعبانه ومش قادره اعملك حاجه

بقف متخدره قدامك مبحسش غير بدموعى وهى مغرقه خدك 

اناا بحبك اوى ياعمري

انتى احلى حضن واحلى قلب واحلى بنت 

ربنا يخليكى ليه ياعمري يارب وميحرمنا من بعض
بقالك 3 ايام سخنه وكنت بديلك سيتال خافض للحراره 

وفي الاخر روحت وديتك للدكتور انا وعمتو رشا 

وكنتي سخنه اوي 

وخالك خالد جبلك العلاج 

بس صعبانه عليه اوي عشان مش بتضحكي ولا تلعبي زي الاول

وحشتيني اوي يالولو ياقلب ماما ياحلوه انتي 

ربنا يشفيكي يارب واشوفك ست البنات كلهم 

خلاص نسينا وكره ليالينا
وقال عمره ماهيحن لينا
خلاص سابنا نبكى دموعنا
وراح لغيرنا مين يبكى علينا
ياقلبي مالك كره حياتك
ومتأثر في بعده وهو اختياارك
هترضي تعيش معاه ف حرام
وتجني ثمارك بكره ف ولادك
استحمل ياقلبي عذابك شويه
بكره تنسي وتعيش حياتك
مهو برضو سابنا واستسهل دموعنا
ورضي يبعنا ويكسر قلوبنا
ده حتى بنته لحمه ودمه
مهنش يجي يخدها ف حضنه
وخد واحده تانيه وداسها برجله
لا في حتى رحمه ولا قلب صاحي
يقولك حاسب دي عرضك ياقاسي
هيسوى ايه لما تقول بابا
وتكبر معاها جرحك ونارك

اللهم لك الحمد

برغم اني ف كرب شديد يالوجي ومخنوقه من الظلم 

الا اني فخوره بنفسي وان اشتدت علينا الدنيا فلله الحمد مش هتغير 

اولا باباكي لما اديتله دهبي كان عشان يسد ديونه اللي خدها من البنك قرض وهو مسددهااش وبالعكس روحت لقيت عليه ديون تانيه واقسام من الغانم وغيره

والحمد لله وقفت جنبه وبعتله الدبله مرتين 

لما حصلتله مشاكل ف الكويت وقرر ينزل مصر قرر وكان هياخد مكافاه شغله وينزل 

قولتله سدد فلوس البنك الاول وهقعد على سجاده بس الا الحرام

لما حصلت مشاكل بينى وبينه كانت ياايما بسبب طريقته الوحشه مع البنات والكلام اللى كتشفت بعد كده انها اكتر من الكلام للاسف 

او عشان بيسمع حاجات حرام 

انا فعلا كنت وحشه عشان كنت بقف عند حدود ربنا

واخرتها دكتور محمد

اداله بلاك بيري يوصله لاهله وخده وسرقه وموصلوش

اللهم لك الحمد انه مش هيقتص منه فينا

كتير دعيت ربنا قبل مااشوفك ربنا يبعد عننا الحرام بس مكنتش اعرف  اني بدعي على ابوكى بس ولا يهمك بكره تبقى احسن من الكل 

هحفظك القران باذن الله وهحطك جوه عنيه يقلبي 

وسيبك منه اللي بيجري ورا الستات ده بدل ماياخدك ف حضنه بياخد واحده تانيه بلاقرف 

حبيبني ونور عنيه لوجي بصراحه مبحبش اكتبلك الكلام ده لاني بعيط وبتصعب عليه نفسي ونفسك 

دلوقتي انتي عندك 9 شهور وانتي اغلي عندي من روحي وقلبي يقلبي 

ربنا يخليكي ليه دلوقتي خلاص باباكي طلقني وغيابي حتى مقدرش يجي ويطلقني ويشوفك 

استخصر ف نفسه يشوفك يحنلك ويتراجع عشان خاطرك

جدك حلف يمين يطلق جدتك لو رجعلي وردني وراح خدله قرض وجوزه وعمله شقه وانا حرموني من كل حقوقي 

حتى شقتي خدوها مني تاني اسبوع جوازي وعشان مخربش بيتي سكت وقولت هنحوش ونجيب وحده خاصه بينا 

لكن ابوكي رمانا وجدك طردني ب 4 شنط وانتي شهرين وجدتك فضلت تقولي اني سقط عمتك

والله والله ولله مسقطها 

اةةةةةةةةةةةةةةةةةةةة يقلبي 

حسبي الله ونعم الوكيل فيهم يارب 

بكره فرح باباكي حتى مهنش عليه يجي يشوفك

وهو موجود ف مصر مهنش عليه حتى يسال عليكي

اتصلت بخاله قالي مش عايز يشوفها وقت ميحب يشوفها ويهفه الشوق يبقى يجي

اتصلت بالباشمهندس سعد خفاجه قالي بيقولك ابريه ويعملك تنازل عن البنت

تصلت بجدك نفسه وكنتي تعبانه ف العيد الصغير شتمني ومسح بكرامتي الارض والله مكنت عايزه فلوس بس عايزه 

اب يسال عن بنته قولتله رفع عليكو قضيه في دي كمان

طبعا انا رافعه عليه قضيه نفقه لانه مبيصرف عليكي مليم وبيتجوز بالفلوس 

ولا حتى ادالي حقوقي وولع ف لبسي ولعبك اللي كنت بحوشهالك 

والله يالوجي ان بحبك اوي اوي ومش هعمل معاكي زي ابوكي 

بس بالله عليكي خليكي حنينه عليه خلاص مبقتش نقصه جروح بجد استكفيييييييييييت 

كفايه اني ااما بشوف اب واخد\ ولاده ف حضنه بخبي عنيكي منهم 

لاني مش قادره اجبهالك والله اتحايلت عليه يجيلك 

ولما تعبتي كلمت عمتك راحت قالتله واتصل ب بابا شتمه وبهدله وانا والله مكنت عايزه حاجه

وجدك راح تصل بجارنا يقوله هو طلقها بتجري وراه ليه

اتصلت بام جدتك قالتلي غوري ببنتك 

حسبي الله ونعم الوكيل فيهم 

يارب اكفينيهم بما شئت وكيف شئت 

في العيد كنت بحوش تمن فستانك ف الوقت اللي هو بيجيب فيه فستان خطوبته ودهب لخطيبته

منه لله ربنا ينتقم منه اشد انتقام 

بس وربي يالوجي مهخليكي تحتاجيله وهتبقى احسن من الكل بذن الله 

ربنا يباركلي فيكي يارب

حبيبتي لوجي اخيرا جيتي للدنيا ياقلبي انا بحبك اوي

ف الشهر التاسع تعبت اوي فيكي والتعب الاكبر بقى لما جالي سخونيه وفضلت معايا اسبوعين متواصلين وف الاخر روحت عملت سونار لقيت ف مشاكل باباكي قالي عديه ف مكان تاني 

روحت عديته وبالصدفه بكشف عند دكتوره قالتلي لازم تولدي النهارده او بكره بالكتير

وراحت فتحتلي الرحم وادتني طلق صناعي 

ومش قادره اقولك اتعذبت ازاي ف ولادتك بس لاني ولداكي قبل معادك ولا السخونيه كانت خطر عليكي 

طبعا قبلها جدتك اتخانقت معايا وقفلت السكه ف وشي بسبب عمتك وعمك شتمني ومع ذلك ولا رضت اعمل مشكله وقولت لباباكي ميعملش مشكله مع حد ويوم ولادتي باباكي ضغط عليه اتصل بيهم اعرفهم اني بولد وللاسف عشان ارضيه عرفتهم 

برغم ان محدش كان بيسال فيه ولا بيكلمني اصلا 

ومع ذلك كلمتهم

بعد ولادتك كل الامور اتلخبطت

باباكي عارف قد ايه انا اتظلمت وكان بيقولي اعتبريني يتيم مليش حد 

وهو متاكد اني مظلومه ومتبهدله من اهله اهانه وشتيمه وقرف

بعد ماولدت قلب عليه وبقيت انا اللي قلبي اسود وحقوده 

كل ده عايزني اكلم عمتك بعد كل البهدله والاهانه اللي عملتها فيه نسي كل حاجه ف لحظه 

لمجرد انها حطت قناع الطيبه قدامه وفضلت تدعيلي وانا بولد وف نفس الوقت تبعت صاحبتها عل النت تشتمني وتبهدلني 

انا بجد اتعذبت اوي

طلبت اطلق منه شتم اهلي شتيمه الواحد يتكسف يقولها

وبهدلني وبقى شخص تاني خالص كنت بقعد معاه اشحت منه الكلمه الكويسه واتحايل عليه وانا تعبانه وغرز الخياطه فكت ولا سائله ف نفسي عشان انتي كنتي ف حضانه وتعبانه كنت لواحدي وخلصت فلوسي 

كل البيبان اتقفلت ف وشي وباباكي اول واحد استغني عني وعنك بحجه فارغه وبيلوي دراعي بحبي ليه

صحيح فضلت ازن عشان اطلق منه لانه مبيحافظش على كرامتي وكل مره اتهان من اهله ومنه وانا ولا مره اشتكيت 

جري جري على ابوه يقوله الحقني دي كلها حقد وقلبها اسود وفيها وفيها وبتقول علينا فلاحين

اه انا قولت كده

بس عشان شتم على بلدي واهلي شتيمه اقذر مما يتصورها حد 

راح يجري لابوه ويعيط ويقوله الحقني هتموتني 

ابتعله رسايل اقوله انك تعبانه يبعت امه تتصل ولا حتى فكر يتصل يسال علينا محتاجين حاجه ولا لا وهو عارف كويس 

اني محتجاله جنبي معنويا عل الاقل 

عمل على كل اميلاتي اجنور ورفض رقمي من الاتصال بيه بقيت بجري وراه من اميلات تاني ورقم تاني عشان اشحته يرد وف الاخر يرد بكل قسوه وظلم 

برغم انه كان بيعمل فيه اكتر من كده وكنت بسامحه 

وطردني من الكويت وسامحته ومرضتس اعرف اهلي وجتلهم بضحك واقولهم اني غلطانه واني واني ولحد دلوقتي محدش يعرف سبب مشكلتنا ايه ؟

وجت ف يوم مامته اتصلت النهارده وبتقولي انا اول مره اعرف عن طفله عندها سوء تغذيه ومش بتاكليها ليه قولتلها والله خلي ابوها يجي ياكلها

قالتلي بصي انا انور قالي اسال على البنت مفتحش حوار معاكي

قولتلها تمام ودتها للدكتور ومحتاجه علاج

قالتلي وال 4000 جنيه اللي ابني بعتهملك فين 

4000 فين دول

نزلني مصر بقالي 4 شهور هما دول ال 4000

اول شهر اداني 300 ورجع تاني شهر بعتلي 500 وجدك اداني 300 لما روحتله و 200 باين لما جه يعزر ف تيتا

وكلهم سونارات وتحاليل ودكتور وعلالالالالالاج ولا حتى كنت بجيب بيهم فاكهه لنفسي

والحاجه الوحيده اللي جبتها عبايه سودا ب 200 جنيه عشان البسها ف حملي اخر شهرين لان مبقش ف لبس على قدي نهائي

وال 2000 بتوع ولادتي منهم 700 طارو ف جور السخونيه وبهدلتي ف الدكاتره والحضانه ليكي وولادتي وكمان بابا دفع وكل اسبوع ليكي كشف ومش معايا مليم واحد وبابا اللي بيدفعلي 

انا خلاص تعبت والله ظلم وقهر وقسوه وكمان مفيش زوج يقف جنبي 

عمري مااشتكتله ولا حسسته بالتقصير بس لما نيجي نتحاسب نتحاسب بقى 

ده غير ان ف حاجات تانيه الواحد يخجل يكتبها والله بس ربنا عالم بيه وحسبي الله ونعم الوكيل

ياربي مش عارفه اقول ايه ولا انا عملت ايه لكل ده بس

كل حاجه اتاخدت مني حتى الامل اللي بعيش عليه هو كمان بيروح مني

ليه الانانيه بس

انا مش عارفه اقول ايه والله بس انا تعبانه اوي اوي



خلالالالالالالالالالاص انا جبت اخري بجد

تبعت من كل حاجه حوليه

لا ابوكي مهتم بيه ولا بيكي ولا ف دماغه

ولا بيعرفني هو فين وكاني كلبه ولا ليه لازمه في حياته

انا تعبت اوي من حاجات كتير

وخلالالالاص فاض بيه

انا خلاص مبقتش قادره احب الناس دي ولا اتعامل معاهم

حاسه كاني متعلقه لا طايله سما ولا طايله ارض

لا طايله استقرار واحترام ولا طايله اني ابقى حره نفسي وف امان

محتاجه لحاجات كتير حد يسال عني حد يقولي انتي فين حد يهون عليه

كل مشاعر واحاسيس الامان مفتقداها تماما

بقيت اتهان واتبهدل من كل اهل ابوكي حتى منه ولا حد حاسس بيه

ولا هو اصلا انا ولا انتي ف دماغه كل همه نفسه وبس

انا اخترت غلط انا استاهل اللي بيجرالي بس انتي ذنبك ايه بس

اعمل ايه اطلق واربيكي من غير ضغوط وقرف

هو ده هيبقى اخر قراري لاني تعبت اوي

انا محتاجه احس براجل متجوزاه ومش لاقياه

انا متحمله كل حاجه لواحدي انا تعبت اوي لحد امته هتحمل كل الاهانات دي

وعشان ايه

عشانك ؟؟

انا والله خايفه عليكي منهم كل حملي مش عايزينك وعايزين يسقطوني

ومحدش راحمني اعمل ايه بس ياربي انا تعبت اوي

حبيبه ماما تيتا خلاص ماتت كانت بتحبك اوي ونفسها تشوفك

بس خلاص راحت عند ربنا

كانت مجهزالك كل حاجه حلوه وكانت بتختار اسمك معايا

انا كنت بحبها اوي اوي

كان نفسي تشوفك وتفرح بيكي بس ده نصيب وقدر

الحمد لله على كل شئ حبيبتي

ماما تعبانه اوي من كل حاجه مش لاقيه حد اتكلم معاه

حاسه اني وحيده ومحدش حاسس بيه

نفسي تيجي عشان تفرحيني انا تعبانه اوي بجد من جوايا

نفسي حد ياخدني ف حضني يطبطب عليه

محدش حاسس بيه ولا حد فاهمني

اللهم اني اشكو اليك ضعف قوتي وله حيلتي وهواني على الناس

انا مش عارفه اكتب اقول ايه للاسف شئ مخزي جدا جدا

لدرجه الواحد مش متخيل والله اللي بيحصل ده

بقى تبقى جدتي تعبانه وعلى وشك الموت وفي العنايه المركزه وعندها شلل

 وجدك وجدتك

ميرضوش يجو يزوروها واتصل بجدك اتحايل عليه يكلم بابا

واكلمه اتحايل عليه يزورنا

واقول لجدتك تقولي مش داخله بلدكو الا للشديد

وجدك يقولي انتو ملكوش عندي غير واجب واحد وهو يوم وفاة امي

ياااااا اخص بجد ايه اللي بيحصل ده

انا اخترت غلط ولا ايه

ده الغرب مبيعملوش كده والله الناس اللي منعرفهاش بيجولنا وبيزرونا وبيروحو لتيتا

واهل جوزي يعملو كده والله معارفه اقولك ايه

طب انا غلطانه في كده ولا هما صح ولا ده شئ عادي

انا وانا مخطوبه جدك طلب مني اروح ازور امه لانها مريضه سافرت من بلدنا للمحموديه لكفر الشيخ ورجعت تاني ف نفس اليوم

اليوم كله كان سفر وده وانا مخطوبه يبقى وانا متجوزه وفي بيت اهلي في عز مشاكلنا دي محدش يسال فيه

ولا يعبرني ولا حتى يجو يزورو تيتا وكل اللي بيعملوه مكالمه تلفون الغريب نفسه مبيعملهاش

انا فعلا حاسه بالعاااار والخزي وسط اهلي

كل جواز عماتي واهلهم واقفين جنبنا وحتى الغرب عننا ياربي ايه اللي بيحصل ده

والله ممصدقه مستنين ايه عشان يجو لما تيتا تموت ووقتها هقدر ابص ف وشهم

ولا مستنين انا اولد

لا دي ولا دي هسامح فيها ولا هقبل فيها زياره منهم ولا حتى عايزه اشوف ولا اسمع حد منهم

انا تعبانه اوي من اللي بيحصل ده

بجد جبت اخري من كل حاجه

حتى يوم ولادتك مش عايزه اشوف حد فيهم كفايه اوي ليهم معايا لحد كده

كفايا بقى اكتم جويا لما هموت

خايفه من ايه ؟

 من حاجات كتير بس يعني هيجرالي ايه اكتر من اللي انا فيه

الحمد لله اوقات الواحد من كتر الصدمات بيجيله حاله من التبلد

تفتكري يعني ايه اكتر صدمه ممكن تحصلك بعد اللي حصللي

مش هعمل اقامه عادي منا اتصدمت مره فيها

جوزي يتجوز عليه ويسبني لواحدي انا وبنتي 

هتقولي عادي يارانيا تفتكري تقدري علي الصدمه دي

تقدري بعد كل ده تلاقي نفسك مجرد عايشه ف مكان تربي بنتك وجوزك في مكان مع واحده تانيه

تفتكري هتتصرفي ازاي هتقدري تكملي ولا هتعملي ايه ؟

ياتري يارانيا الزمن مخبيلك ايه اكتر من كده

جوايا حاجات كتير بس للاسف مش لاقيه الفرضه والزمن المناسب

سبحان الله اتحطيت ف تحدي اكبر من ارادتي

بس لسه عايشه ولسه بحاول اقف رجلي بس كل ده انا عايشه على صبر ويقين من ربنا انههيحللي مشاكلي

طب نفرض محصلش كده بس انا يارب عمري

موثقتش فيك وخذلتني يارب نفسي اتحدي كل الناس واقف على رجلي رجلي من تاني

يارب نهايه اللي انا فيه ايه

انا متدمره وعايشه على امل واملي فيك انت وبس

يارب املي فيك انت بس انك تصلحلي اموري يارب

يارب مليش غيرك يارب

انا تعبت كل يوم بستني اليوم يخلص عشان يجي اللي بعده واستني بنتي تيجي تفرحني

مستنيه اليوم ده يجي بفارغ الصبر عشان افرح

حتى الفرحه مستنياها بمعاد وحتى مع الفرحه الم كبير بس يهون بس اشوف بنتي

واهي حاجه تفرحني بعد عذاب سنه كامله

يارب بس هونها عليه وفرحتي ببنتي مفيش حاجه تكسرها يارب