خايفه من ايه ؟
من حاجات كتير بس يعني هيجرالي ايه اكتر من اللي انا فيه
من حاجات كتير بس يعني هيجرالي ايه اكتر من اللي انا فيه
الحمد لله اوقات الواحد من كتر الصدمات بيجيله حاله من التبلد
تفتكري يعني ايه اكتر صدمه ممكن تحصلك بعد اللي حصللي
مش هعمل اقامه عادي منا اتصدمت مره فيها
جوزي يتجوز عليه ويسبني لواحدي انا وبنتي
هتقولي عادي يارانيا تفتكري تقدري علي الصدمه دي
تقدري بعد كل ده تلاقي نفسك مجرد عايشه ف مكان تربي بنتك وجوزك في مكان مع واحده تانيه
تفتكري هتتصرفي ازاي هتقدري تكملي ولا هتعملي ايه ؟
ياتري يارانيا الزمن مخبيلك ايه اكتر من كده
جوايا حاجات كتير بس للاسف مش لاقيه الفرضه والزمن المناسب
سبحان الله اتحطيت ف تحدي اكبر من ارادتي
بس لسه عايشه ولسه بحاول اقف رجلي بس كل ده انا عايشه على صبر ويقين من ربنا انههيحللي مشاكلي
طب نفرض محصلش كده بس انا يارب عمري
موثقتش فيك وخذلتني يارب نفسي اتحدي كل الناس واقف على رجلي رجلي من تاني
يارب نهايه اللي انا فيه ايه
انا متدمره وعايشه على امل واملي فيك انت وبس
يارب املي فيك انت بس انك تصلحلي اموري يارب
يارب مليش غيرك يارب
انا تعبت كل يوم بستني اليوم يخلص عشان يجي اللي بعده واستني بنتي تيجي تفرحني
مستنيه اليوم ده يجي بفارغ الصبر عشان افرح
حتى الفرحه مستنياها بمعاد وحتى مع الفرحه الم كبير بس يهون بس اشوف بنتي
واهي حاجه تفرحني بعد عذاب سنه كامله
يارب بس هونها عليه وفرحتي ببنتي مفيش حاجه تكسرها يارب
والله يا رانيا اهتمى بحملك وسيبك منه ده انسان غير صالح وغير امين معلش اعذرينى انتى اختارتى غلط ده انسان غير ملتزم واوعى لحظة تندمى عليه يا عبيطة قولى الحمد لله انك عرفتيه على حقيقته واحمدى ربنا واشكرى فضله
ردحذفمتعكننيش نفسك وعيشى حياتك عشان الزعل بياثر على الحمل وبعدين ياسيتى يتجوز تانية ولا تالتة ولا عاشر بلا هم يعنى هو كان مهنيكى اوى يا شيخة يغور هو ويغور النسب اللى يعر
يابت انتى عندك مليون فرصة اولدى بس انتى وقومى بالسلامة وراعى بنتك وشوفى شغلك وعيشى حياتك الدنيا ماوقفتش على كدة واذا كان على الجواز ب كرة يجيلك سيد سيده بس ياريت تتجوزى حد ملتزم متدين يعرف ربنا ويخاف منه ويخاف عليكى وبتقى الله فيكى والله حتلاقى مليون واحد يتقى الله فيكى وفى بنتك
ارمى بس انتى حمولك على الله وصلى وادعيله وانتى ساجدة انه يعينك ويقويكى ... اوصيكى ونفسى بالصلاة ثم الصلاة ثم الصلاة وقراءة القران حتى عشان بنتك تطلع محترمة وصالحة وتراعيكى فى كبرك
ربنا يقومك بالسلامة ويجعلك بنتك من الصالحات باذن الله