الي حبيبه قلب ماما

حبيبه قلب ماما ايا كان اسمك انا بكتبلك الكلام ده وانا حامل فيكي في الاسبوع 25 يعني الشهر السادس 

بصراحه كنت عايزه اكتبلك من زمان اوي بس مكنتش عارفه اقولك ايه ولا اكتبلك 

اقول قد ايه انا كنت بتمناكي قبل ماابقى حامل فيكي ولما بقيت حامل فيكي الدنيا مكنتش سيعاني 

ولا اقول ان كل اللي حوليه رفض وجودك ومحدش وقف جنبك لحد ماتشوفي النور بعنيكي بصراحه انا في حيره

من اول يوم كنت شاكه اني حامل فيكي كنت بخاف تضيعي مني كنت بخاف اعمل اي مجهود يحصلك حاجه كنت وقتها هموت وراكي 

حاولت اني احافظ عليكي لاني زيي زي اي بنت بتتمني تبقى ام بعد ماتتجوز احساس طبيعي وغريزه طبيعيه بكره تحسيها لما تكبري 

لما بدات احس بتعب عملت تحليل للحمل كنت متاكده اني حامل وكنت للاسف فاكره ان حملي ده هيفرح ناس تانيه لكن للاسف ملقتش حد غيري انا بس فرحان بيكي 

بكره لما تكبري وتتجوزي وتبقى حامل هتعرفي يعني ايه احساس ام بحملها وقد ايه هي بتتعب وقد ايه بتبقى محتاجه لحاجات معينه عل الاقل حد يشاركك فرحتك بحملك ومتلاقيش غير القهر والظلم والضرب للاسف 

مش بقولك كده عشان اقولك انا قد ايه تعبت فيكي ده تعب جميل حتى لو بموت منه هتبقى ف قلبي اغلي الناس حتى اغلي من روحي 

شاءت ظروفي اني مقدرش اعمل اقامه ده نصيب بصراحه باباكي ماثرش وكان بيجبني زيارات لكن لما بقيت حامل فيكي مبقتش بقدر اعمل زي الاول اشتغلت وعشان حملي فنشوني لاني بصراحه كنت بخاف عليكي وشغلي كان في مجهود ممكن اخسرك بسببه 

بس ابوكي موقفش جنبي وعايرني بفشلي واني سبت شغلي ومحدش وقف جنبي خالص برغم انه كان غصب عني 

وغصب عني بردو يابنتي مكنتش بقدر اعمل حاجه ف الشقه الا اللي اقدر عليه يمكن انا صحتي على قدي او مدلعه زي ماابوكي بيقول واني انسانه مريضه بس صدقيني بردو غصب عني 

غصب عني الاكل كان بيطلع مني مالح وبتهان وبتعاير بكده غصب عني مكنتش بقدر ابقى زي الاول وانا حامل فيكي في الشهر التالت 

ابوكي شتمني وبهدلني وقالي يلعن ابوكي وخلاني اوطي امسح البلاط بديتول وارش بيرسول وانا حامل كنت بوطي وبشيل ومكنتش بصعب عليه وكان يقولي كل الحوامل بيعملو وبيشتغلو وانتي مدلعه نفترض اني كده زي مابيقول بس انتي بنته المفروض يخاف عليكي 

عمري ماهنسي بردو اني وانا حامل فيكي قالي ماتيجي تسقطها زي ماتكوني ذنب وقالي انتي كنتي بتتجوزي عشان تحملي وخلاص 

ف الشهر ده عملي سونار بعدها فضلت لحد السادس لولا مافكر يوديني لدكتوره بس بردو غصب عنه ظروف شغله كان مبيحبش حد يقوله انت جايب مراتك كل يوم 

عملت تحاليل كان بيعايرني ويقول قدام اهله والناس مفيش تحليل جديد نزل برغم انها كلها مهمه والدكتوره اللي طلباها مش انا 

حصلت لباباكي طروف ف شغله واتفنش منه وقفت جنبه وفضلت طول الليل ادورله على شغل تاني وكنت باخده في حضني ف عز مشكلته وكنت بدعيله والحمد لله ربنا رزقه عشانك بشغل جديد بس ابوكي مكنش بيراعي مشاعري كان في عز ضعفي يحسسني بالتقصير واني مهمله بس انا مكنتش كده في الاول ده غصب عني ربنا عالم اني مكنتش بنام الليل وكنت من التعب مزاجي وحش وكان لما بيجرحني بهرب زي مابيقول وبسيبه وانام لواحدي على امل انه يحس بيه ياخدني ف حضني لكن للاسف مش بلاقي منه غير الضرب بالاقلام ويخنق فيه ويضربني بالسلك كل ده عشان ايه ومهما كان السبب ولو كنت عملت جريمه ايه السبب اللي يخليه يعمل فيه كده قمت ضربته وخربشته عشان يبعد عني وكلم اخته جت بهدلتني وشتمتني وابتلت عليه بكلام هو عارف اني مبعملوش اني بنقل اسرار بيتي بره واني مش كويسه وجت تضربني بالقلم قمت بس ضربتها على راسها وملحقتهاش كمان 

لقيتهم  بيقولولي اني سقطتها وبهدلتها وعاشو الدور اوي وجدك وجدتك ربنا يباركلهم مش وراهم الا انهم يسمموني بالكلام ويقولولي سبينا بمصيبتنا انتي دمرتينا برغم اني عشان خاطر مخربش بيتي بدات بالصلح عشان ابوكي طلب مني ده واعتذرت وانا اسفه برغم كل اللي حصللي الا اني بقولهم هجلكو رفضو اروح عشان محدش يصرف عليه قرش وعشان محدش يتحمل مصاريفي ولا علاجي لقيت جدتك بتقولي مليش دعوه بيكي ولا بعلاجك عايزه عمك يوديكي انا مليش دعوه بيكي 

كل ده وانا حامل فيكي يابنتي نزلت مصر ف وسط اهلي لا ليه شقه ولا ليه حاجه جدك قالي اقول لابوكي بالعند فيه اجر الشقه 3 سنين برغم اني مطلبتش حاجه كل ده عشان انتي بنتي وانا امك لا حد رحمني ولا رحمك 

جدك وجدتك حاطين رضاهم مقابل طلاقي وانك تعيشي بعيد عن اب وام 

كنت بقع من طولي وبتعب وابوكي يقولي انتي مفيش يوم يعدي عليكي من غير كاتقولي تعبانه ويعايرني قوليلي انا ايه عملته غلط 

برد الكلمه بكلمه لاني الاول كنت بسكت لقيت نفسي بتجرح وابوكي نفسه قالي انا عايز واحده دكر مش واحده ضعيفه وتعيط 

ابوكي بيقولي اني سافله ومش متربيه واني كدابه 

بس صدقيني يابنتي والله انا عمري ماكنت كده وفشلي ف حياتي قدر من ربنا ونصيب وواثقه ان ده فيه خير ليه 

ابوكي بيقولي اني لو كنت اشتغلت كنت ذليته برغم اني مبستخسرش فيه اي حاجه ملكي واي فلوس معانا عمرنا ماستخصرتها في حد كان محتاجلها اكتر مننا 

كنت بقوله يدي وكنت بدي معاه بزياده 

كان اكتر حاجه ف الدنيا تفرحني اني اشوفك لما اروح اكشف واعمل سونار بيديني امل ف الحياه واني اتحمل عشانك اكتر 

وكنت لما بروح اتفرج على لبس للاطفال ومش هشتري كان ابوكي يقولي هجيبك كل يوم تتفرجي عليه وكان بيجرحني ولا عمره فرحني بحاجه ليكي ولا حتى شاركني فرحتي بيكي من اول يوم حملت فيه لقيته شايل همك وحسسني انك ذنب 

بس صدقني وعزه جلاله ربنا يابنتي لخليكي ست الستات من اول يوم تشوفي النور فيه وكل الهم والحزن والقرف اللي عشته ف حملك ده لهعوضك بيه اول يوم تتولدي عيني دي مش هتتشال من عليكي وهكون ليكي ام واب في نفس الوقت وهربيكي احسن تربيه ومش هخلي حد يكسرك زيي ولا يبهدلك ولا يدوس بكرامتك الارض ولا يمد ايده عليكي وهجوزك احسن جوازه في الدنيا دي لواحد يقدر بجد يعني ايه بنت ناس ويراعي مشاعرك ويحترمك ولاهل يحطوكي في عنيهم مش يبصولك انتي بنت مين وعلى اساس كده يقدروكي 

والله لخليكي باذن الله احسن بنت في الدنيا دي ومش هعيش الا ليكي ومش هسمح لحد تاني وانا حامل فيكي ينكد عليه ولا يعيطني انتي مش هتشوفي مني الا الفرح وبس عشان تبقى مطمنه وسعيده جوايا وتتولدي عارفه اني مستنياكي بفرح وبدل ماتبكي تفرحي وتتضحكي ان ليكي ام كل هدفها ف حياتها سعادتك وبس 

سامحيني حبيبتي عل الشهور اللي فاتت بس اوعدك من النهارده اول يوم ف السنه الهجريه باذن الله اكون ليكي احسن مما تتوقعي واكون تحت حسن ظنك وربنا هيرزقني برزقك لاني خلاص مش هعتمد على حد تاني يعايرني بحاجه 

ولا يقولي اني فاشله ومش متربيه ويبهدلني وينزلني مصر عشان هو يعيش براحته ويقولي لا اكل حلو ولا حاجه 

صدقيني مش هستغني عنك لمجرد اني لقيت فيكي حاجه وحشه حتى لو مش غصب عنك هتفضلي بنتي وهفضل وراكي اعلمك لحد ماتقولي كفايه ولما اختارلك واحد تتجوزيه هكون مختارلك واحد امين عليكي واهله بيتقو ربنا فيكي قبل اي حاجه ويحطوكي ف عنيهم اكتر مني 

ربنا يارب يخليكي ليه ياحبيبتي انتي عندي اغلي حاجه ف دنيتي ويوم ميلادك هو يوم ميلادي انا وحياتي هتبدا معاكي من جديد من اول لحظه تتولد فيها ربنا يارب يخليكي ليه حبيبتي 

وصدقيني تعبي فيكي على قلبي زي العسل ولو تعبتيني اكتر من كده بكتير مش هيزيد جوايا الا حب ليكي واشتياق ليوم ماتيجي واشوف بعنيه .