حبيبه قلب وعقل ماما تعبتيني والله

ينفع كده مفيش يوم يعدي الا وانا تعبانه فيه بس كله عشانك يهون ياروحي

لو هتيجي على تعبك بس تهون كل حاجه بس الدنيا كلها قرف ومشاكل

باباكي ف حرب مع اهله وانا محدش رحمني ف حملك ولا حد وقف جنبي

انا تعبت اوي باباكي طلب مني اكلم جدك وجدتك مكنش معايا رصيد كلمتهم مسحو بكرامتي الارض بيقولو اني سقطت عمتك واني طردتها واني قولتلها اطلعي بره ياخرابه البيوت

والله مقولت كده هي جت تشتمني وبهدلتني

انا تعبانه اوي واكيد انتي حاسه بيه

مش عارفه اقولك ايه بس انا بجد تعبانه اوي سمحيني

كان نفسي افرح ف حملك بيكي بس محدش عايزك تفرحي ولاحد راحمني



محمد صديق المنشاوي

محمد صديق المنشاوي

حبيبه ماما وحشتيني كل يوم اكتبلك لان كل يوم بيعدي بيحصلي فيه حاجه جديده

النهارده بقى اول يوم بجد تضربيني فيه ضرب قاسي كانتي بتشوطيني برجلك مش بتضربي وبس

واول مره اقول اه وانتي بتضربيني ف بطني لانها كانت ضربه جامده واول مره توجعني كده بس يمكن من هنا ورايح لازم اتعود على الضرب ده لانك ابتديتي تكبري جوايا

المهم حلمت بيكي بقى تاني

حلمت اني رايحه اعمل سونار رباعي وانا بعمله شوفتك قدامي كنتي واخده حواجب باباكي وعيني ومناخيرنا احنا الاتنين هههههههه

وبوقي للاسف ونطابع حسن باباكي

بس كنتي قمر والله ماشاء الله صحيح كل حاجه فيكي كانت كبيرهههههه ههههههههه بس انتي حبيبتي ياروحي

نفسي بقى اشوفك قدامي

عارفه النهارده معدتي وجعاني اوي ودايخه مووووووت احساس جديد ف الحمل رخم اوي مضايقني خالص

وجع ف معدتي جامد وزياده ف افراز اللعاب بطريقه مش معقوله بجد ودوخه صعبه بجد

وفوق كل ده وده نكد ابوكي ليه بيكلمني نت يشتمني يرضيكي كده يابنوتي صحيح هو منفوخ ف شغله بس انا والله حاسه بيه

واللي بيحصله ماثر عليه ملوش لازمه يعني يشتم ويبهدل الدنيا هو فاكر انه بس اللي ف مشكله وانا مرتاحه ومش شايله هم حاجه

صحيح محدش جنبه بس صدقيني انا مش بايدي حاجه اعملها

وجدك ربنا يسامحه مش راضي يسامحه وماشي ورا عمتك وجوزها وسايبنا ومتبري مننا والسبب ايه

كدبو كدبه وصدقوها عشان احنا بقينا ف مشكله كله اتخلي عننا

وللاسف هما واثقين انهم ظالمنا بس هنعمل ايه هو الزمن ده كده للاسف بحبك ياروحي اوي

حبيبه ماما ازيك ياروحي انا حلمت بيكي تاني وكل يوم بحلم بيكي

كنتي اموره اوي ف الحلم ماشاء الله وكنتي صغيره كده وحلمت بيكي وانتي بتشدي بابا وبتصحيه وهو قام واخدك ف حضنه

انا بحبك اوي ياروحي النهارده انتي كنتي بتضربيني ف بطني جامد بس احساس جميل اوي

صحيح انا طول اليوم نايمه لاني تعبانه من البرد وكده بس كنت لما بصحي شويه بتلعبيني

انا بحبك اوي ياروحي والله

ربنا يارب يفرحني بيكي يانور عنيه واشوفك عروسه زي القمر يارب

انا بحبك اويِ

بنوته ماما انا بحبك اوي اوي اوي

نفسي اشوفك بقى انا بحلم بيكي كل يوم والله

بحلم بضحكتك ومشيتك   وكلمه ماما لما تقوليها

ولما تكبري قدامي كل يوم

نفسي اجبلك كل حاجه جميله ف الدنيا واخليكي برنسيسه

انتي عندي اغلي من روحي وسر وجودي ف الدنيا هي انتي

انا بحبك اوي يروحي وبتمني اليوم اللي اشوفك فيه وانتي بضحكيلي ومنورالي حياتي

امبارح حلمت بيكي وانا بولدك كان عندك طابع حسن ف دقنك

 وكنتي نازله لابسه نظاره كده وعامله فيها استاذه وحد مهم كده

وبعدين انا ببصلك وبقولك من دلوقتي وعملالي كده قمتي ضحكتي

بس كنتي عسوله اوي وزي القمر ماشاء الله

يارب اشوفك يابنوتي احلى واغلي الناس واشوفك اسعد البنات يارب ويكون حظك جميل

حبيبه قلب ماما بحبك اوي

ماما تعبانه وجالها برد انتي حاسه بيها ياروحي وعشان كده مش راضيه تتعبيها وتلعبي معاها

انا بحبك اوي والله وعمري كله ليكي وصدقيني مش هعمل زي ابوكي وارميكي واقول شهرين وانسى بنتي ومراتي

انا اسفه اني مخترتلكيش الاب الصح اللي يقدر يعني ايه مسئوليه انا عارفه ان كلامي ده لما تكبري وتقريه هيكرهك فيه انا غلطانه بردو اني مقدرتش اوفرلك حياه طبيعيه زي كل صحابك بس ممكن تكون دي افضل ليكي مش رينا بيقول وعسي ان تكرهو شيئا وهو خير لكم ممكن ده فعلا يكون خير لينا احنا الاتنين حبيبتي انا بحبك اوي ياروحي والله

ولاخر لحظه ف عمري هعيشها عشانك انتي وبس وربنا يخلي جدو وتيتا  وخالو هيحطوكي ف عنيهم معايا وربنا يقدرنا ياقلبي ونشوفك اجمل عروسه ومتتبهدليش زيي ولا تتهاني يارب

حبيبه ماما دلوقتي بابا اتخلي عنك عشان هو من البدايه مش عايزك لا هو ولا اهله 

قولت لجدك اكتر من مره اجلكو رفض وقالي الوقت مش مناسب واتهانت

وجدتك تقفل في وشي بدون مبرر والمبرر اني سقطت عمتك اللي مش حامل اصلا

جوز عمتك كانو قدام باباكي يقولوله رجع رانيا ومتسبهاش ف مصر ومن وراه يقولو لجدك هات حقنا منها دي عملت وسوت فينا ويقومو الدنيا

حسبي الله ونعم الوكيل فيهم

صدقني انا مظلمتكيش حبيبتي بس صدقيني ده الافضل انك تعيشي في بيئه بعيده عن النفاق والظلم والقسوه والمعايره

كل البيبان اتقفلت واتسددت في وشي برغم اني لحد اخر لحظه بتقابل الاستياء وبقابل بالصلح والسماح عشانك

صدقيني انا ماثرتش في ارضاءهم برغم اني مغلطتش فيهم بس في حاجه معينه هما عايزنها من ابوكي انه يثبتلهم انه مش باقي عليه ولا عليكي

وده حصل فعلا

وعشان  بابا  مبيحبش الا نفسه وعشان هو متعبش في ارتباطه بيه لاني سهلتله انا واهلي كل شئ كان سهل عليه يبيع 

 شاف ان حياته في بعده عني وعنك احسن 

طبعا هي احسن مفيش مسئوليه ولا تعب عليه بس انا والله لخليكي احسن واحده في الدنيا دي كلها وانا هشتغل وهحوش تمن ولادتك وهصرف عليكي وهجبلك احسن لبس ومش هقبل على نفسي اي حد تاني يرميلك كل شهر فلوس
انتي غاليه اوي عندي غاليه معنويا مش ماديا
وصدقيني عمر ماسعادتك كانت هتبقى بالفلوس الكتير ولكن براحه البال حبيبتي
وانا هريحلك بالك باذن الله

ومش هتخلي عنك مهما حصل وفلوسي كلها ليكي انتي وبس 

انا اسفه لاني وعدتك ان النهارده هتكون اخر لحظه حزن لسه شويه لحد مااخد على اني لواحدي واني لواحدي شايله مسئوليتك 

صدقني انا بحبك ومظلمتكيش بس محدش استحملني في حملي ولا حتى قبل حملي لما جيت اعمل الاقامه اول مره جدتك اول واحده قالتله طلقها لما عرفو اني عندي فيرس صحيح باباكي وقف جنبي بس كان بيعايرني بكده جدك اي مشكله كانت بتحصل بينا اول كلمه يقولها غورها وطلقها انا عارفه انك تيجي للدنيا وابوكي مش معاكي صعب اوي بس صدقيني يمكن ده افضل ليكي عل الاقل تيجي من غير ماتشوفي اب وام بيتاخنقو ولا بيضربو بعض ولا اب بيشتم امك باهلها او بيهنها وتتعقدي

صحيح انا كنت برد الكلمه بالكلمه على ابوكي بس عشان ابوكي لسانه بيجرح اوي ومبيرحمش حد ومبيبطلش تجريح فيه ومستحملش تعبي في حملك ولا وقف جنبي وجنبك 

كمان كل اللي حوالينا مش عايزين حاجه الا اننا نطلق وبس وده لاسباب كتير واولهم اني مكنتش زي ماكانو عايزين 

لا اقامه ولا بشتغل وكل اللي رايح على قد اللي جاي فبقيت منبوذه والتلكيك عل الواحده 
ابوكي اول 3 شهور جوازنا قال لجدك رانيا دي اخرها معاي3 شهور لما بقيت حامل فيكي
حصلت مشاكل كتير اوي وكنت كل يوم اعمل تحاليل واسافر ومحدش وقف جنبي الا بابا وماما وبس وجدك راح يقول لابوكي دي ورتطنا بحملها وبردو كانو مصممين عل الطلاق

بصي انا مش هقولك الا اني اتظلمت كتير وسط الناس دي واتبهدلت اوي بس ربنا كبير وصدقيني ده اكيد في خير لينا انا وانتي حبيبتي متزعليش مني مش هحرمك من حاجه وهبقى حنينه عليكي وهحطك ف عنيه ومش هتخلي عنك وهعيش اربيكي وبس   ومش هتجوز تاني هعيش بس عشانك حبيبتي ربنا يارب يخليكي ليه ياروحي ويرزقني برزقك يارب 
 انا اسفه حبيبتي