ربنا لا تحملنا مالا طاقة لنا به
يارب فرح قلبي 
يارب بجد تعبت 

يااااااااااااااااااااااااااااااااااااااارب ردني اليك ردا جميلا

حبيبة قلبي انا بحبك 

خلاص يالوجي كبرتي وبقيتي لمضه 

وبتفهميني بجد انا بعشقك 

ربنا يحميكي يارب ليه ياقلبي 

خلاص كملتي سنتين وو3 شهور وبقيتي عسوله خالص 

وبتحبي دورا ونيمو واسبونج بوب 

انا بحبك اوي ومش حرماكي من اي شئ الا شئ واحد بس وهو ابوكي 

بس غصب عني

للاسف حاولت معاه كتير يمكن قلبه يحن ويشوفك 

وفعلا شافك افتكرت خلاص ربنا هيهديه ليكي  بس زي مهو للاسف 

حبيب قلب ماما 

كل عيد وانتي طيبه ياقلبي

تخيلي يالوجي بعد سنه ونص لسه باباكي فاكر 

يدور عليكي ويبعتلك قال ايه السلام

بعد مارماكي وانتي حته لحمه حمرا ومسالش فيكي  

مش عارفه اقولك ايه لان الحزن مالى قلبي من ناحيته ومن ناحية تصرفاته بعد ايه

جاي يفتكر ان ليه بنت

وعمره مابعتلك جنيه 
 وراح طلقني غيابي زي الكلب ولا حتى كان ادامي

معانا كنت بتحايل عليه بس يشوفك وياخد قرار الانفصال 

بس منه لله ابوه قاله لو رجعت لمراتك تبقى امك طالق ولا انت ابني ولا اعرفك

حسبي الله ونعم الوكيل 

انا بحبك اوي يالوجي ومليش ف الدنيا بعد ربنا غيرك
وارتبط بااحمد عشان يبقي ليكي اب 
بس مش قادره اشوفه جوزي 
احساس مميت بجد 

انك تتجبر تعيش حياه انت مش عاوزها بس مضطر تعمل نفسك مبسوط عشان ترضي اللي حواليك وبس انا نفسي افرح يالوجي 

اةةةةةةةةةةةةةةةةةةةةةةة ياربي تعبانه اوي وعارفه ان الحل هو القرب منك

وانك اللى بايدك حل للي انا فيه يارب

انا ضعيفه ومسكينه ومليش غيرك انا وبنتي يارب بالله عليك ماتحوجني لحد يارب

وباركلي في بنتي يارب واكفيها شر الحاسدين يارب

يارب انا مليش غيرك اتقفلت كل الابواب ومليش غير باباك

بدعوك دعاء المضطر الضعيف اللي ملوش حول ولا قوه الا بيك يارب

يارب انصرني يارب انت عارف اني مظلومه انت وبس يارب

يارب عبادك بيجرحو فيه وانت الوحيد بس اللى عارف وحاسس بيه 

يارب تعبااااااااااااااااااااااااااااانه اوي يارب

لوجي انا بحبك اوي ف حاجات كتير ف حياتي اتغيرت 

حاجات كتير مش قادره احكي فيها بس كل اللى عايزاكي تعرفيه اني عمري ماهتخلى عنك واني اكتر واحده ف الدنيا دي بجد بتحبك وبتخاف عليكي من اي حد واوعي تصدقي مهما حصل اني مبحبكيش او اني اتخليت عنك لان انتي عندي اغلى من كل شئ 

بحبك اوي يالوجي

تعبانه اوي ونفسيتي تعبانه يالوجي مش عارفه اخد قرار

خايفه ارتبط واسيبك وخايفه ارتبط تاني واكرر مأساه جديده نفسي افر ح بجد 

تعبانه اوي يارب ارزقني بفرحه تنسيني همي وحزني يارب 

جوايا كلام كتير نفسي اقوله بس مش قادره يارب قويني وصبرني

بس سيبك انتي الله اكبر عليكي بقيتي زي القمر وبقيتي تقولي يارب 

اجكل كلمه نطقتيها جميله 

ربنا يحفظك يارب ويجعل لسانك مرطب بذكر الله يارب

ويرضيكي ويعوضك خير يارب

لوجى امبارح الجمعه الساعه 9وتلت مشيتى اول خطوتين لواحدك 

بجد فرحاااااانه جداااااااااا وهجبلك احلى لعبه اول مقبض باذن الله تعالى 

بحبك اوي يالوجي ياحبيبه عمري كله 

ربنا يباركلي فيكي يارب ويحفظك من كل سوء

كل حاجه حواليه جرحانى

بابايه عمل حادثه ومش قدره اخفف عنه  المه

ماما محملاني ذنب تعب بابا 
مش عارفه افرحه ازاي 
بقيت اكره كل شئ في دنيتى مبقتش حاجه بتفرحنى

يااااااااااااااااااااااااااااااااااااااااااااااااارب

روح قلب وعقل ماما

كل سنه وانتى طيبه يقلبي

معلش متاخره بس على ما دخلت نت

المهم بقي انتى الله اكبررررر كنتى قمرايه ف اليوم ده وكل يوم طبعا

بس اليوم ده كنتى جميله ولابسه جيبه جميله وباضى  وتوك جميله وجالك هدايا كتييييير خالص خالص

بصراحه فرحت اوووووووي جدو حبيبك عملك تورتايه تحفه وتيتا كمان وماما وعمتو رشا 

جابتلك طقم جميل خالص وخالو خالد جابلك طقمين وسامح وخطيبه خالد رضوى وخالتو جابتلك طقم 

وخالو جابلك عروسه كبييييره ودبدوب شيك اوي 

وهدى وسيف جابولك دباديب حلوه ويوسف واسماء جابولك توك كميله خالص

طبعا هتسالينى المحروس جابلي ايه 

كان نفسي مكتبش لانى بجد بتخنق بس لازم تعرفي 

جابلك نص علبه بامبرو مقاس 3 ونتى بتلبسي 4 وجبلك فستانين وحد بنى ف اسود وواحد ازرق ميلبسوش طفله مولوده مش طفله عمرها سنه

وخاتم صفيح- لو لبستيه هتتعوري ياريته دهب حتى 

وورده بلاستيك وورقه مقطوعه مكتوب ارجو قبول هديتنا طبعا ده استخفاف منهم ومبعوتين في كيسه بلاستيك مقطوعه

ده لو بيدوها لحد غلبن كانو قدموها اشيك من كده

المهم سيبك من كل ده انتى كنتى قمره واتعملك احلى عيد ميلاد وبجد مكنتش متوقعه الجمال ده حبيبتى يارب يجعل ايامك كلها فرح- حبيبيتى ومايفرقناا ابداااااااااااا

بحبك جدااااااااااااااا

اول خطواتك يالوجى بداتى ترسميها

خلاص قربت تتمى سنه ياعمري 

والله فرحانه جدااااا

ربنا يباركلى فيكى 

انتى شطوره خالص وبتحبى تسمعى قناه طيور الجنه 

وانا بشغهالك على طول حبيبتى

بس زعلانه منك عشان بتقولى لماما يا بيااااااا

هههههههههه

مش هكتب تقصدى ايه ااما تكبري هقولك 

ربي يحفظك بنتى من العين ويعطيكى ويرضى عليكى ياقلبي 

بحبك اوووووووى

لوجى قلب ماما جاتلها نزله معويه

وماما كانت خايفه عليها خالص بس الحمد لله خفت

ماشاء الله عليكى يالوجى

بقيتى بتحبي  وبتحاولى تقفي

وبقي ليكى شخصيتك 

الله أكبرررررر عليكى

خالو خالد راح الجيش  وبيكلمنى يقولى

لوجى وحشتنى بوسيهالى

كل يوم وانتى نايمه باخدك في حضنى

وبقعد ابصل لبرائتك وادعى ربنا يباركلى فيكى

وبشكره عليكى انتى اجمل نعمه في حياتى

يارب يباركلى فيكى واشوفك جميله يارب

ماشاء الله يالوجي كبرتي وبقيتي بتقلدي الكلام وتقولي 

ايه ده

ويانيا ودودو واوته

انتي سكر خالص يالوجي 

ربنا يخليكي ليه يارب يقلب ماما ورحها

انا بعشقك مش بحبك بس 

امبارح ماما قعدت تعيط كتير اوي  وكنت مخنوقه اوي 

بس الحمد لله واحده وحده ربنا بيردلي اعتباري وبيعرف الناس اللى كانو ظلمني انى مظلومه

وعلى قد مذلوني ربنا عزني الحمد لله يارب

ناقص بس حقى وحقك من ابوكي واهله واللي عمري مهسامح فيه ابدااااااا

امبارح رفقه زميله باباكي تونسيه كلمتني بردو كالعاده واخد منها فلوس ومرجعهاش 

معرفش ايه ده ياربي 

ربنا يحميكي منه يارب يالوجي ويبعدك عن الحرام يابنتي 

ده ابتلائك ولازم تحتسبي وخليكي قويه وجدعه مهما حصل 

كفايه ان ليكي ماما وجدو وتيتا وخالو بيحبوكي ومش مخلينك ناقصك حاجه

يااااااااااااارب 

ياااااااااااااااااااااااااااااااااااااارب

يااااااااااااااااااااااااااااااااااااااااااااااااااااااااااارب

يااااااااااااااااااااااااااااااااااااااااااااااااااااااااااااااااااااااااااااااارب

يارب .... جميلة و تستحق المشاهدة

يااااااارب بجد تعبت 

انت عالم بيه يارب اتظلمت انا وبنتى

عمري ماانسي ضربه ليه عشان اسقط

عمري ماانسي يوم العيد الكبير لما قالى تيجى نسقطها

ولما جدك قاله ورطتك ببنتهاااااا

اةةةةةةةةةةة ياربي

حسبي الله ونعم لوكيل

ده انا من كتر مكان نفسي احس انه مستنيكى زيي 

مرضتش اتدخل في اسمك عشان  احببه فيكى 

تعبانه اوى 

يارب فوضت امري ليك

هو في ايه في الدنيا دي
لناس قلوبها بقت كده ليه
 مبقاش حد بيتقي ربنا في حد خلاص
حتى باباكى كلمنى قولت جايز ربنا هداه
اتاريه بيقولى هيتجوز
ومهنش عليه يشوفك حتى ومفهم كل الناس انى حرماه منك
عشان محدش يقوله حرام عليك بنتك
عايش لنفسه ورغابته وبس
وصاحبه مشعل كلمنى يقولى انه اخد فلوس منه وهرب بيها ومدهالوش وبيقولى
كان يقولى مش هرجعاها بس ميسرقنيش
ده غير دكتور محمد ده غير صحبه الهندى
كل ده كااااااان جواك يانور واما صدقت خلصت من رانيااااا اللى كانت بتوجع ضميرك
وتقولك حلال وحرام
ياااااااااااااااااااااارب انت المستعاااااااااان
على قد مكنت ببوس رجلك ورجل الناس عشان ترجع لبنتك ومتيتمهاش على قد مبحمد ربناااا
ان مش هيكون فينا القصاص منك ولا هنعيش بمال حرام

يارب خرجنى من اللى انا فيه على خير يارب

حبيبه قلب ماما لوجي

وحشتي ماماا ياقلبي 

كل مااشوف صورتك وانتي صغيره بتوحشيني اكتر واكتر

انا بحبك اوي ياعمري 

ربنا يباركلي فيكي يارب 

وتبقى من حفظه القران وتبقى سعيده في حياتك 

وتخلي بالك من ماما حبيبتك اللي ملهاش غيرك بعد ربنا

حبيبتى  لوجى بحبك اوى 

اصعب احساس لما اشوفك تعبانه ومش قادره اعملك حاجه

بقف متخدره قدامك مبحسش غير بدموعى وهى مغرقه خدك 

اناا بحبك اوى ياعمري

انتى احلى حضن واحلى قلب واحلى بنت 

ربنا يخليكى ليه ياعمري يارب وميحرمنا من بعض
بقالك 3 ايام سخنه وكنت بديلك سيتال خافض للحراره 

وفي الاخر روحت وديتك للدكتور انا وعمتو رشا 

وكنتي سخنه اوي 

وخالك خالد جبلك العلاج 

بس صعبانه عليه اوي عشان مش بتضحكي ولا تلعبي زي الاول

وحشتيني اوي يالولو ياقلب ماما ياحلوه انتي 

ربنا يشفيكي يارب واشوفك ست البنات كلهم